"Барселона" ҳужумчиси Исаак Куэнка ўзининг клубдаги келажаги ҳақида унчалик ҳам қайғурмаётганлигини айтиб ўтди. Клуб билан тузилган шартномаси шу йилнинг ёз ойида якунланадиган ҳужумчи, жамоа билан шартномасини узайтирилишига умид қилаётганлигини айтди.
"Ҳа, шартнома муддатим шу йили тугайди. Аммо, мен ҳеч қаерга кетмоқчи эмасман. Бу ерда қолиш, "Барса" нинг асосий таркибида тўп суриш менинг азалий орзуим. Ўтган йили бу орзуим қисман амлага ошди. Ўйлайманки, бу йил ҳам жамоамиз учун омадли келади. Бунинг учун қўлимдан келганча тер тўкишга, машғулотларда ўзимни кўрсатишга ҳаракат қиламан" - дейди 20 ёшли ҳужумчи, клуб расмий сайтига берган интервьюсида.
