Мюнхеннинг "Бавария" клуби бош мураббийи Ханс-Дитер Флик Бундеслига доирасида "Фрайбург" (2:1) устидан қўлга киритилган ғалаба ҳақидаги фикрлари билан ўртоқлашди.
"Биз қийин босқични бошдан кечирдик. Ғалаба қозонишни хоҳлаётганимизни кўрсатишимиз керак эди. Менда бу туйғу ўйин бошидаёқ бор эди. Жасорат билан ўйнадик, 2:0 ёки 3:0 ҳисобида олдинга чиқиб олишимиз мумкин эди. Якунда эса бироз омадимиз чопди. Бугунги ғалабада Нойернинг ҳиссаси катта бўлди. Қайд этилган натижадан ва жамоанинг кўрсатган ўйинидан қониқдим. Энди мана шу йўлдан боришимиз керак", - деди Флик Kicker.de билан суҳбатда.
