Myunxenning "Bavariya" klubi bosh murabbiyi Xans-Diter Flik Bundesliga doirasida "Frayburg" (2:1) ustidan qo‘lga kiritilgan g‘alaba haqidagi fikrlari bilan o‘rtoqlashdi.
"Biz qiyin bosqichni boshdan kechirdik. G‘alaba qozonishni xohlayotganimizni ko‘rsatishimiz kerak edi. Menda bu tuyg‘u o‘yin boshidayoq bor edi. Jasorat bilan o‘ynadik, 2:0 yoki 3:0 hisobida oldinga chiqib olishimiz mumkin edi. Yakunda esa biroz omadimiz chopdi. Bugungi g‘alabada Noyerning hissasi katta bo‘ldi. Qayd etilgan natijadan va jamoaning ko‘rsatgan o‘yinidan qoniqdim. Endi mana shu yo‘ldan borishimiz kerak", - dedi Flik Kicker.de bilan suhbatda.
