Туриннинг «Ювентус» клуби яримҳимоячиси Артур Криштиану Роналду ҳамда Лео Мессини ўзаро солиштирди.

«Ҳар бир футболчи ўз лидерлик салоҳиятини турли йўллар орқали кўрсатади. Мессида буни намоён қилиш учун бир қатор хусусиятлар бор. Бироқ кўпчилик буни тан олгиси келмайди.

У тўпни қабул қилиши биланоқ ҳамма деярли гол бўлишини сеза бошлайди. У ғалаба учун туғилган. Бу унинг принципи.

Роналду эса ўз имиджини майдондан ташқарида ҳам кўп йўллар орқали ифодалай олади. У гол машинаси. Кийим алмаштириш хонасида у мураббийга айланиб олади. Бошқалар билан ўзаро коммуникацияси мукаммал ривожланган. Бу тилни билиш хусусияти билан боғлиқ албатта.

Қайси бирини жамоангизда сардор сифатида кўрган бўлардингиз? - Бу қийин савол. Бироқ мен Роналдуни танлаган бўлар эдим. Чунки ҳозир уни яхшироқ биламан», - дея Артурнинг сўзларидан иқтибос келтиради ESPN.