Англиянинг «Ливерпуль» футболчиси Жордан Хендерсон АПЛ доирасида «Манчестер Юнайтед» жамоасига қарши бўлиб ўтган учрашув ҳақидаги фикрлари билан ўртоқлашди.
«Бироз хафамиз, чунки ўз майдонимизда уч очко олишимиз керак эди. Ўйлашимча, ғалаба учун етарлича ҳаракат қилдик, айниқса биринчи бўлимда.
Тўпни назорат қилдик, вазиятлар содир этдик, бироқ рақиб дарвозасини ишғол эта олмадик. Тўғри, уларда ҳам битта ёки иккита яхши вазият юзага келди, улар қарши ҳужумда хавфли кўринишди, лекин умуман олганда, майдонда биз яхшироқ кўриндик ва ғалабага яқинроқ эдик», – деди Хендерсон.
