Испаниянинг "Валенсия" клуби ҳужумчиси Роберто Сольдадога бир қатор Англия клублари жиддий қизиқиш билдираётганлиги ҳақида маълумотлар бор. Бу ҳақда бир қанча испан ОАВларига таяниб, Tuttomercatoweb.com сайти ҳабар тарқатган. 26 ёшли ҳужумчига Англиянинг "Челси" ҳамда "Ливерпуль" клублари жиддий қизиқиш билдирган.
"Валенсия" таркибида Ла лига баҳсларида 11 та гол киритган ҳужумчининг шартномаси 2014 йилда тугайди. Шундай бўлсада, унга "совчилар" кўпаймоқда. Уни сотиб олишни истаган клуб, шартномада кўрсатилганидек 30 миллион евро товон пули тўлаши керак. Бу дегани футболчининг трансфер нархи айнан шунча бўлади дегани.
Бундан бироз аввалроқ, Сольдадо билан Франциянинг "ПСЖ" клуби ҳам жиддий тарзда қизиқаётганлиги айтилган эди.
