Ҳуқуқий жиҳатдан Каталониянинг «Барселона» клубига тегишли бўлган, айни пайтда фаолиятини «Бетис» жамоасида ижара асосида ўтказаётган ҳимоячи Эмерсон фаолиятини Францияда давом эттириши мумкин.
22 ёшли бразилиялик футболчига «ПСЖ» клуби қизиқиш билдираётгани ҳақида Diario Sport хабар бермоқда. Парижликлар спорт директори Леонардо Эмерсоннинг трансфери учун «ПСЖ» 25 миллион евро сарф қилишга тайёр эканлигини билдирди.
Бироқ, агар ушбу битим амалга ошадиган бўлса, у ҳолда «Барселона» ушбу трансфер маблағига тўлиқ эгалик қила олмайди, чунки, «Бетис» билан келишувга кўра, трансфердан тушадиган маблағнинг ярмини айнан "Бетич" клуби олади.
«Барселона» Эмерсонни ўтган йилнинг январь ойида 12 миллион еврога сотиб олган. Бироқ, бразилиялик ҳимоячи "Барселона" таркибида бир марта ҳам майдонга тушмади.
