Кейинги ярим йилни "Ювентус"да ўтказиши аниқ бўлган "Рома" ҳужумчиси Марко Боррьелло Турин клубида тўп суриш унинг учун шараф эканлигини айтиб ўтди.
"Ювентус" сафида тўп суриш мен учун катта шараф. Жаҳоннинг энг ёрқин клубларидан бири томонидан эътироф этилиш - бу ақлбовар қилмас ҳодиса. Ҳозир "Ювентус"да барқарор жамоа бор. Бу жамоа ҳар доим жанговар кайфиятда ва ғалабаларга ташна. Бу жамоада ўзимни фақат яхши томондан кўрсата олишимга умид қиламан", деди ҳужумчи.
"Мен ҳозирги "Ювентус"нинг деярли барча ўйинлари билан - баъзилари билан клуб даражасида, бошқалари билан терма жамоа миқёсида - бирга тўп суриб улгурганман. Мирко Вучинич билан "Рома"да бирга ўйнаганмиз, Андреа Пирло билан эса "Милан" шарафини бирга ҳимоя қилганмиз", деди Италия терма жамоаси аъзоси.
"Ишқибозларга шуни айтмоқчиманки, менинг сотиб олинишим ижарага олинишимдан кўра фойдалироқ бўларди. Бундан бошқа ҳеч нима демоқчи эмасман. Ҳар қандай сўзлардан кўра амалдаги иш муҳимроқ эканлигини майдонда исботлаш умидидаман. "Ювентус" либосини кийишга ҳақли эканимни исботлашни хоҳлайман", дея ҳужумчи Марко Боррьеллонинг сўзларидан иқтибос келтирмоқда Турин клуби расмий сайти.
