«ПСЖ» ҳужумчиси Килиан Мбаппе ўз келажаги борасида ҳали бир қарорга келолганича йўқ.
ESPN хабарига кўра 22 ёшли француз бир кун келиб «Реал» ёки «Ливерпуль» каби гранд жамоаларга бориб қўшилишига ишонмоқда. У буни Леонардога ҳам бир неча марта айтиб кўрди.
Бироқ Килиан пандемия сабабли кучли жамоалар уни харид қилолмасликларини ҳам англаб турибди. Шунинг учун у ҳозирги спорт формасини янада кучайтириши зарурлиги ва Почеттино билан муносабатларини ёмонлаштирмаслиги кераклигини яхши билади.
Эслатиб ўтамиз, Мбаппенинг Париж клуби билан амалдаги шартномаси келаси йил ёзига қадар мўлжалланган.