Каталониянинг «Барселона» клуби собиқ бош мураббийи Кике Сетьен фаолиятини Хитойда давом эттириши мумкин.
Marca нашрининг тарқатган хабарига қараганда, 62 ёшли испаниялик мутахассис Хитойнинг «Далянь Про» жамоаси билан музокара олиб бормоқда. Шанба куни айнан шу жамоани Рафаэль Бенитес тарк этганди.
Сетьеннинг сўнгги иш жойи «Барселона» бўлганди. У каталонияликларни 2020 йилнинг январь ойидан август ойигача бошқарганди.