Маҳоратли ярим ҳимоячи Абдужамол Исроилов “Навбаҳор”ни тарк этди.
24 ёшли футболчи янги мавсумда Про-лига вакили “Бухоро”да тўп суради.
Исроилов жамоамиз таркибига 2019 йилги мавсумда қўшилиб, ўша йилги мавсумнинг 11-туридан ўрин олган АГМК – “Навбаҳор” учрашувида жиддий жароҳатланиб,узоқ муддатга сафдан чиққанди.
Абдужамол Исроилов 2019 йили “лочинлар” таркибида 11 та ўйинда майдонга тушиб, 837 дақиқа ҳаракатланган ва 1 та голга муаллифлик қилганди.
Биз маҳоратли футболчининг “Навбаҳор”даги фаолияти учун ўз минатдорчилигимизни билдирамиз ҳамда кейинги фаолиятида омад ёр бўлишини тилаймиз.
