Дортмунднинг "Боруссия" клуби спорт ишлари бўйича директори Михаэль Зоркнинг сўзларига кўра Германия терма жамоа ярим ҳимоячиси бўлмиш Марио Гёце қора-сариқларни ҳали бери тарк этмас экан.
"Марио Гёценинг "Боруссия" билан тузган шартномаси 2014 йилгача амалда. Келаси мавсумда ҳам Марио "Боруссия" шарафини ҳимоя қилади. Муддат тугаган тақдирда ҳам, биз унга янги шартнома таклиф қилиб кўрамиз. Балки бир кун келиб биз Мариони сотиб юборишимиз мумкин. Агарда бирор бир клуб эртага Гёце учун 1 миллиард беришга рози бўлса", дея Михаэль Зорк сўзларидан иқтибос келтиради Bild нашри.
Маълумот учун, 19 ёшли Марио Гёце ўтиб бораётган мавсум давомида Бундеслигада 14 уйинда иштирок этган ва беш бора дарвоза тўрини аниқ нишонга олган. Футболчи билан ҳозирги кунда "Реал", "Бавария" ва "Манчестр Юнайтед" каби жамолар қизиқмоқда.
