Бразилия терма жамоаси, «Наполи» ва «Интер» клублари собиқ ҳужумчиси Кайо Рибейро «ПСЖ» форварди Неймар ҳақида ўз фикрини билдириб ўтди.

«Неймарнинг хулқ-атворидан барча рози бўлмаса-да, ўйлашимча, у катта маҳорат эгаси. У айни пайтда жаҳоннинг энг яхши ўйинчиси. У Роналду ва Мессига нисбатан кўпроқ тўп билан муомалада бўлади.

Ҳозирги авлоднинг ўйини мураббийга кўпроқ боғлиқ. Бу ёмон. Бизнинг даврда эса мураббий гапирарди, биз эса муҳим нарсаларни ўзимизга олардик. Мураббийнинг фикрига қўшилмасак, ўз нуқтаи назаримизни айтардик.

Ҳозир мураббий ва футболчилар ўртасида бундай диалог йўқ. Ўйинчиларга масъулият етишмайди, улар мураббийга қарам», – деди Кайо.