Каталониянинг «Барселона» ҳимоячиси Серджи Роберто жароҳатидан тўлиқ қутулди.

28 ёшли футболчи 2020 йилнинг 21 ноябрь куни «Атлетико» (0:1) жамоасига қарши ўйиндан жароҳат олганди ва ўшандан бери майдонга тушмай келаётганди.

Унинг 31 январь куни Ла Лигани 21-тур доирасида «Атлетик» клубига қарши бўладиган ўйинда майдонга тушиши ҳозирча сўроқ остида турибди.

Серджи Испания Кубоги доирасида «Райо Вальекано» жамоасига қарши ўйинда майдонга тушмаган футболчилар билан бирга машғулот олиб борди. Агар унинг жароҳати безовта қилмайдиган бўлса, у ҳолда «Атлетик» жамоасига қарши бўладиган ўйинда майдонга тушиши мумкин.