Жорий йилги мавсумга тайёргарликнинг илк босқичини 15-25 декабрь кунлари Самарқандда ўтказган "Динамо" футбол клуби янги йил байрамидан сўнг Тошкентда тўпланди.
Бугун 5 январь кунидан бошланган пойтахтдаги биринчи босқич йиғини 22 январга қадар давом этади. Икки ҳафтадан ортиқ вақт давом этадиган ушбу тайёргарлик босқичида Аҳмад Убайдуллаев бошчилигидаги мураббийларимиз янги футболчиларни синовдан ўтказишлари кутилмоқда. Шунингдек, бу йиғин доирасида назорат ўйинларини ҳам ўтказиш жой олган.
Бошланган йиғинда жамоанинг деярли барча футболчилари тўпланишган. Фақатгина Салим Мустафоевнинг терма жамоа йиғинида иштирок этиши сабабли, футболчи клуб машғулотларига кечроқ келиб қўшилади.
