Тожикистон президентининг тўнғич ўғли Рустами Имомали мамлакат футбол федерациясига раҳбар этиб тайинлади, дея хабар беради "Азия-Плюс" АА. Бу ҳақда бугун, 5 январь куни ТФФ ҳисобот-сайлов конференциясида қарор қабул қилинган.
Федерациянинг аввалги президенти Сўҳроб Қосимов бу лавозимда 2002 йилдан буён ишлаб келаётган эди. Рустами Имомали эса шу вақтгача ўринбосар лавозимида ишлаётган эди. Ўз лавозимини тарк этар экан Қосимов "бошқарувни мамнуният билан топшираётгани"ни маълум қилган.
Рустами Имомали "Истиқлол" (Душанба) клубида ҳужумчи амплуасида ҳам ўйнайди. Ушбу клуб 2011 йилда мамлакат чемпионлигини қўлга киритди.
