Римнинг «Лацио» клуби хавбеки Луис Альберто жамоа машғулот базасига келиб қўшилган.
Бу ҳақда Football Italia хабар беради. Луис жиддий операция сабаб жамоасининг 3 та муҳим баҳсларини ўтказиб юборган эди.
У гарчи алоҳида машғулотларда қатнашаётган бўлсада, римликларнинг «Аталанта»га қарши баҳсида иштирок этиши кутиляпти. Учрашув 31 январь санасида бўлиб ўтади.
Маълумот учун, 28 ёшли испан жорий мавсум 20 та ўйинда майдонга тушиб, 6 гол ва 1 ассистни қайд этган. У ўтган йилда жамоасининг энг яхши ассистенти бўлган эди.
