Мадриднинг "Реал" клуби сардори Серхио Рамос мавсум якунига етгач жамоани тарк этадиган бўлди. Бу ҳақда испаниялик журналист Хосеп Педрероль хабар тарқатмоқда.
— Перес меҳмонхонада Рамос билан учрашди ва маошини 10 фоизга камайтиришга рози бўлишини сўради. Лекин ҳимоячи бу таклифга кўнмади. "Реал" Рамосга икки хил вариант таклиф қилди: бир йил маошини ўзгармаган ҳолда ёки ҳозирги маошидан 10 фоиз кам икки йиллик шартнома. Рамос бошқа клублардан тушадиган таклифларни кўриб чиқишини билдирди. Агар Рамос жамоада қолмоқчи бўлса, у ҳолда Пересга қўнғироқ қилишини ва икки вариантнинг бирини танлаши мумкин эди, бироқ, "Реал" футболчининг мавсум якунига етгач жамоани тарк этиши борасида муросаба келди, — деди Marca нашри журналисти.
