Хабарингиз бор ушбу турнирда Тошкентнинг "Бунёдкор" ва Ўзбекистон терма жамоаси ҳам иштирок этади. Санк-Петербургнинг "Зенит" клуби расмий веб-сайти маълумотига кўра, мусобақа ташкилотчилари 10 январь куни матбуот анжумани ташкил қилиб, иштирокчи жамоаларни маълум қилишади. Қўшимчасига регламент ва қуръа масаласи ҳам шу куни ҳал этилади. "Зенит"дан ташқари Ростов-на-Дону шаҳрининг "Ростов" ва Донецкнинг "Шахтёр" клуби ҳам турнирда аниқ иштирок этади. Питерликлар йиғинни 12 январдан эътиборан бошлаб, Дубайга 15 январь куни етиб келишади. Маълумот ўрнида айтиш керакки, Вадим Абрамов мураббийлигидаги Ўзбекистон терма жамоаси бугундан эътиборан янги йилдаги илк йиғинни бошлайди.