2012 йилги Олий Лига ўйинлари қуръа ташлаш маросими давом этмоқда. ПФЛ бош директори Фарҳод Магомедов Олий лигада нечта клуб иштирок этиши ва якуний тақвим қайси санада маълум қилиниши кераклиги борасида айтиб ўтди.
“Биз ҳозир ким кимга рақиб бўлишини аниқлаб оламиз. Шундан кейин яна 20 кунлар давомида тақвимни мукаммаллаштириб чиқамиз. 1 февралга келиб биз сизга тўлиқ тақвимни тақдим этамиз. Ўтган йилги хатоларни такрорламасликка, ўйинларнинг санасини ўзгартирмасликка ҳаракат қиламиз”, деди Магомедов.
“2012 йилги Ўзбекистон чемпионатида 14 та клуб иштирок этади. 16 та жамоа иштирок этиши ҳақидаги гапларни қаердан олгансиз, билмадиму, лекин Регламентда ҳаммаси аниқ ёзиб қўйилган”, дея қўшимча қилди ПФЛ бош директори.
