«Ҳоким Кубоги»нинг чорак финалидан ўрин олган «Бунёдкор» - «Нур Баткен» (5:0) учрашувидан кейин меҳмонлар устози Рустам Оҳуновнинг фикрлари билан қизиқдик.

- «Нур Баткен» биринчи марта бу каби халқаро мусобақада иштирок этяпти. «Бунёдкор»га қарши ўйнашимиз биз учун ёқимли бўлди. Осиё Чемпионлар лигасида тўп сурадиган, номдор, таркибида тажрибали ўйинчилари бор «Бунёдкор» ва унга ўхшаган жамоалар билан ўйнаш катта мактаб вазифасини бажариб беради. Футболчилар шундай рақибларга қарши баҳсларда тажриба тўплайди. Бизнинг даражамиздаги жамоалар янада яхшироқ ўйнашни истайди, шунинг учун бугунги ўйин бизнинг фойдамизга ишлади. 

Тўғри, ҳисоб йирик кўриниш олди. Айтганимдек, илк бор бундай мусобақада қатнашдик. Таркимиздаги футболчилар анча ёш, жамоа шаклланишни бошлаганига кўп бўлгани йўқ. Қолаверса, биз фақат миллий чемпионатда иштирок этамиз. «Бунёдкор»ни даражаси юқори эканлиги сир эмас. Ўйлашимча, бугунги мағлубиятимизга тажрибасизлик сабаб бўлди. Футболчиларнинг тажрибасизлиги ҳисоб йирик кўриниш олишига замин яратди.