Айни вақтда ЎФФда Олий Лига-2012 қуръасига бағишланган тадбир давом этмоқда.
ПФЛ бош директори Фарҳод Магомедовнинг таъкидлашича, 2012 йилги Кубок ғолибига, мукофот сифатида, 100 миллион сўм, кубок финалчисига эса 50 миллион сўм топширилади.
Ушбу янгиликка ўз муносабатини билдираркан, “Бунёдкор” вице-президенти Баҳром Давлатов: “Чемпионга ҳеч қандай мукофот кўзда тутилмаганми? Бу қарор билан, қайсидир маънода, кубокнинг обрўсини ошириб, чемпионат иккинчи даражага тушириб қўяётгандексиз. Ҳамма, албатта, 100 миллион сўм учун ҳаракат қилади”, деб савол берди.
“Эътиборга олинг, кубок баҳслари ғолибига пулни мукофот сифатида ПФЛ топширади. Агар биз ПФЛ мусобақалари учун ҳомий топа олсак, чемпионат совринлари учун мукофот пуллари жорий қилинади, бундан ташқари, Олий Лиганинг ҳар бир иштирокчисига бонуслар берилади”, - деди Магомедов.
