«Атлетико» ҳужумчиси Луис Суарес 21-тур доирасида «Кадис» жамоасига қарши бўлиб ўтган ўйинда иккита гол киритди ва уларнинг бири жаримадан киритилди.

«Мен узоқ вақт «Барселона»да Месси билан бирга ўйнадим, шу сабабли, жарима зарбаларини амалга оширмасдим. Лекин, «Ливерпуль» ва Уругвай терма жамоаси сафида шу тариқа бир нечта голлар киритганман.

Энди шундай зарбаларни беришга ҳаракат қилиб кўраман, бу борада машғулотларда деярли ҳар куни ўзимни синаб кўряпман.

Қачонки ҳужумчи яхши спорт формасида бўлса, у ҳолда яратилган имкониятлардан фойдаланиш керак. Мен ўз ҳаракатларим билан жамоага ёрдам беришга ҳаракат қиламан.

«Кадис» билан бўладиган ўйин осон бўлмаслигини билардик. Улар Негредодек маҳоратли ўйинчига эга эканлигини ҳисобга олган ҳолда, узун тўп узатишлар орқали ўйнашларини билардик. Биз уларга ҳалақит қилишга ҳаракат қилдик, лекин бу осон бўлмади.

«Атлетико» яхши ишламоқда, ўз мақсадимизга етишиш учун бизда жуда юқори хоҳиш бор», – деди Суарес.