«ПСЖ» бош мураббийи Маурисио Почеттино Франция чемпионати доирасида «Лорьян» жамоасидан қабул қилиб олинган мағлубият ҳақида фикр билдирди.

«Бор кучимизни ишга солдик ва иккинчи бўлимда яхши ўйнашни бошладик. Ўйин бизнинг назоратимиз остида ўтганини сездик, лекин иккита гол ўтказиб юбориб, якунда мағлубиятга учрадик.

Ўйинимизни янада кучайтириш учун ишлашда давом этамиз. Афтида, бу бизнинг энг ёмон ўйинимиз бўлди, лекин биз узоқ йиллик лойиҳамиз учун ишлашда давом этамиз. Бугун бахтсиз ҳодиса рўй берди, биз ўз йўлимизда давом этишимиз керак.

Чоршанба куни «Ним» жамоасига қарши ўйин кутиб турибди ва бу баҳс бугунгига қараганда яхшироқ ўйин намойиш этиш учун ажойиб имконият», – деди Почеттино.