"Барселона"ни февраль ойида 6та учрашув кутиб турибди. Жамоа Испания кубоги ярим финалига чиқса, учрашувлар сони яна биттага ошади.
Жамоани кутаётган баҳслардан 4таси Испания чемпионати доирасидаги ўйинлар бўлса, биттаси Европа чемпионлар лигасининг нимчорак финал босқичидан ўрин олган баҳс. Шунингдек, юқорида айтганимиздек, "кўк-анорранглилар" Испания кубогининг чорак финалида "Гранада"га қарши майдонга чиқади ва Куман шогирдлари ғалаба қозонишса, уларни бир ҳафтадан сўнг ярим финал ўйини кутиб туради.
Шунингдек, каталонияликлар "ПСЖ"га Чемпионлар лигаси нимчорак финал босқичининг дастлабки учрашувни 16 февраль куни ўз майдонларида ўтказишади.
Февраль ойининг сўнгги кунида "Барса"ни Испания чемпионати доирасида "Севилья"га қарши ўйин кутиб турибди.
"Барселона"ни февраль ойида кутаётган учрашувлар:
Испания кубоги. Чорак финал. 03.02.2021. Гранада - Барселона
Ла лига. 22-тур. 07.02.2021. Бетис - Барселона
Испания кубоги. Ярим финал. 10.02.2021.
Ла лига. 23-тур. 13.02.2021. Барселона - Алавес
ЕЧЛ. 1/8 финал. 16.02.2021. Барселона - ПСЖ
Ла лига. 24-тур. 21.02.2021. Барселона - Кадис
Ла лига. 25-тур. 28.02.2021. Севилья - Барселона