"Ливерпул" ўзининг расмий сайтида "Престон Норт Энд" ҳимоячиси Бен Девис билан узоқ муддатли шартнома имзолаганлигини эълон қилди. Шартнома тафсилотлари ошкор қилинмади. Девис "Ливерпул" таркибида 28 рақамда ўйнайди.
«Бу ажойиб имконият. Албатта, "Ливерпул"нинг қизиқиши ҳақида биринчи марта эшитганимда, бу мен учун кутилмаган бўлди. Ушбу имкониятдан фойдаланмаслик ва ажойиб футболчилардан сабоқ олишдан воз кечиш аҳмоқлик бўлар эди.
Мен ҳеч қачон "Энфилд"да бўлмаганман ва атрофга қарашга ҳали улгурмадим. Шунинг учун шу пайтни кутмоқдаман. Бундай муҳитда бўлиш жуда ёқимли» -дейди Девис.
Девис "Престон Норт Энд" академиясининг битирувчиси сифатида шу вақтгача 145 учрашув ўтказди.
