Алексей Евстафеев бўлажак олимпия терма жамоасига бош мураббий этиб тайинланишига ўз муносабатини билдираркан, Азамат Абдураимов бирга ишлаш қизиқарли ва ёқимли бўлишини қайд этиб ўтди. Бу ҳақда ЎФФ расмий сайти хабар бермоқда.
Алексей Евстафеев яқинда ташкил этилган 21 ёшгача бўлган ёшлар терма жамоаси (бўлажак олимпия терма жамоаси) бош мураббийи этиб тайинланди. Унга Азамат Абдураимов ёрдам беради.
"Бош мураббий этиб тайинланишим ҳақидаги хабарни хотиржам қабул қилдим. Ўтмишда ажойиб футболчи бўлган Азамат Абдураимов менга ёрдамчилик қилишидан жуда ҳам мамнунман. У билан бирга ишлаш қизиқарли бўлади", - деди Евстафеев ЎФФ матбуот хизматига берган интервьюсида.
"Бизнинг олдимиздаги асосий ва биринчи даражали вазифа - Осиё чемпионати финал босқичи йўлланмасини қўлга киритиш. Ушбу мусобақанинг саралаш баҳслари шу йилнинг июнь ойи охирида бошланади. Терма жамоанинг биринчи йиғинини эса февраль ойи охирида ўтказишни режалаштиряпмиз", - дея қўшимча қилди Алексей Евстафеев.
