Олий лига жамоалари ўртасида Ўзбекистон XXI миллий чемпионатига қуръа ташлаш маросимидан сўнг "Локомотив" клуби бош мураббийи Равшан Муқимовнинг фикрлари билан қизиқдик,
- Қуръа спорт принципларига мос равишда ташкил этилди. Унга кўра биз 1-турни Ғузорда "Шўртан" жамоасига қарши ўтказамиз. Сўнгги йилларда "Шўртан" жамоаси сезиларли даражада кўчайди. Буни улар томонидан қайд этилаётган натижалар ҳам кўрсатиб турибди. 2-турда эса ўз майдонимизда ОФК кубоги соҳиби "Насаф" клубини қабул қиламиз. Ўйлайманки мухлислар қизиқарли учрашувга гувоҳ бўлишади. Умуман олганда қуръада қайси жамоага тушишнинг фарқи йўқ. Чемпионат давомида мусобақа иштирокчиларининг барчаси билан куч синашишимизга тўғри келади. Шундай экан, қуръа натижаларидан кўнглим тўлди, - дея бош мураббий сўзларини келтирмоқда "Локомотив"нинг расмий веб-сайти.
