"Барселона"нинг 20 ёшли ҳужумчиси Исаак Куэнкага "Манчестер Юнайтед" ҳали ҳамон кўз тикмоқда, дея хабар берди, "El Mundo Deportivo". Маълумотларга қараганда "Қизил Иблислар"нинг бош скаути Мартин Фергюсон Куэнканинг ўйинини кузатиш учун, ўтган куни "Барса"нинг "Осасуна" га қарши кечган кубок учрашувини стадиондан туриб томоша қилган.
Эслатиб ўтамиз 20 ёшли футболчининг каталонияликлар билан тузган шартномаси шу йилнинг ёзида ўз ниҳоясига етади. Шартномани узайтириш борасида томонлар шошилишаётгани йўқ. Агар ёзгача шартнома узайтирилмаса, Куэнка эркин агентга айланади. Агар воқеалар ривожи шундай давом этса, ёзда Куэнка эркин агент сифатида Манчестерга кўчиб ўтиши мумкин.
