«Борнмут» Чемпионшипда кетма-кет 4та ўйинда ютқазганидан сўнг жамоа раҳбарияти бош мураббий Жейсон Тинделлни истеъфога чиқарди.
Тинделл ўз лавозимида бор-йўғи 6 ой ишлади. Британия матбуоти тарқатган хабарга кўра, «Челси» клуби собиқ ҳимоячиси Жон Терри ушбу жамоани бошқариш учун асосий номзод бўлиб турибди. Ҳозирда ушбу мутахассис «Астон Вилла» клуби мураббийлар штабида ишламоқда.
«Борнмут» Чемпионшипнинг 27-туридан сўнг жадвалда 6-ўринни эгаллаб турибди.