Испаниялик теннис юлдузи Рафаэль Надал «Барcелона» ҳужумчиси Лионель Мессининг шартномаси ҳақида гапирди.
«Мен баҳсни тушунмаяпман. У eрда, шубҳасиз, футбол тарихидаги энг зўрлардан бири бўлган футболчи бор ва у клуб унга тўламоқчи бўлган пулни олади.
Шундан сўнг, тортишувлар бўлмайди. Клубнинг ўзи уни шартномага лойиқ деб топди ва айнан улар ўзларининг молиявий масалалари билан шуғулланиши керак»- дейди Надаль.
Аввалроқ, Испания матбуоти тўрт йиллик шартнома бўйича маълумот тарқатган. Унда, Месси барча бонуслар билан қўшиб ҳисобланганда жами 555 миллион евро маблағ олиши айтилган эди.
Шундан сўнг, Месси шартномаси ҳақидаги маълумотлар тарқалиши сабабли клуб раҳбариятини судга бермоқчи эканлиги ҳақида маълумотлар пайдо бўлди.
