Италия чемпионатининг 21-тури доирасида Турин шаҳрида «Ювентус» ва «Рома» жамоалари тўқнаш келишмоқда. Учрашувнинг иккинчи бўлими ҳозиргина бошланди.

Баҳснинг 13-дақиқада эса мезбонлар ҳисобни очишди. Криштиану Роналду жарима майдони чизиғи устида чап оёқда зарба бериб, "Рома" дарвозасини ишғол қилди.

Португалиялик футболчи учун мазкур гол А сериянинг жорий мавсумидаги 16-гол бўлди. Европанинг топ-5 чемпионатларида фақат бир футболчи — Роберт Левандовски унга нисбатан кўпроқ гол урга (24).

B/R Football тарқатган хабарга кўра, Роналду 30 ёшга тўлганидан кейин сўнгги 6 йил давомида урган голлари сони 300тага етган:

Роналду 30 ёшгача — 463 гол (718 ўйинда);

Роналду 30 ёшдан кейин — 300 гол (326 ўйинда).