Ҳужумчи Килиан Мбаппе «ПСЖ» билан шартномасини узайтиришга рози, деб хабар беради Аs. Фақат ушбу шартномада Мбаппе «Реал» ёки бошқа бир топ-клубга қўйиб юборилиши ҳақидаги банд бўлиши даркор. Франциялик ҳужумчи айнан ушбу шарт билан янги шартнома тузишга тайёр. Томонлар ушбу ҳолатни коронавирус пандемияси авж олаётганда муҳокама қилишни бошлаган.
Эслатиб ўтамиз, Мбаппе «Реал»нинг асосий трансфер мақсадларидан бири. Аммо, «қаймоқранглилар» коронавирус пандемияси шароитида кўп пул сарфлашга тайёр эмас ва Килианга ҳозир «ПСЖ»да оладиган маошни таклиф этиши мумкин. Париж клуби эса ўз навбатида унинг маошини бир ярим баробардан кўпроқ миқдорда оширишга тайёр.
Маълумот ўрнида, француз футболчиси жорий мавсум Франция чемпионатида 19 ўйин ўтказиб, 15 гол ҳамда 6 ассистга муаллифлик қилган.
