“Эвертон“ бош мураббийи Карло Анчелотти “МЮ“ га қарши (3:3) АПЛнинг 23-тур учрашувидан сўнг фикр билдирди.
«Биз яхши бошладик. Биринчи бўлимда қарши ҳужумлардан сўнг имкониятлар бўлди, аммо бизга аниқлик етишмади. Шу сабабли биринчи бўлимда ўйлаганимиздек ишончли ўйнай олмадик. Рақиб майдон марказида ҳақиқатдан ҳам кучли.
Ўз ўрнида жамоамиз руҳи ҳам жуда зўр эди. Биз 2:3 ҳисоби билан ютқазишни истамаслигимизни кўрсатдик. Иккинчи бўлимда дадилроқ ўйнадик ва керакли очколарни олдик.
Биз АПЛнинг энг яхши жамоаларидан бирига қарши курашдик. Гарчи ҳозирда, улар билан даражамиз бир хил бўлмасада. Ушбу очколар ғалабага тенг натижа. Мен жамоам билан фахрланаман» - деди Анчелотти.
