«Манчестер Сити» бош мураббийи Хосеп Гвардиола Англия Премьер-лигасининг 23-тури доирасида кечадиган «Ливерпул»га қарши ўйин олдидан фикрлари билан ўртоқлашди.
«"Ливерпул"ҳар доим жуда кучли жамоа бўлган. Бу ажойиб тарихга, ажойиб футболчиларга, юқори даражали мураббий ва ходимларга эга яхши. Улар ҳимоя ва ҳужумда нима қилиш кераклигини билишади ва бу борада керакли кўникмаларга эга.
Бундай хавфли рақибга қарши ўйнаш ҳар доим қийин. Биз билан ўйинда эса улар ҳар қачонгидан ҳам тажовузкор бўлишади. "Ливерпул" "Брайтон" билан учрашувдан сўнг тикланишига ва тайёр бўлишига ишонаман. Албатта, бу чемпионлик учун курашдаги энг муҳим учрашувлардан бири бўлади» - дейди испаниялик мутахассис.
Эслатиб ўтамиз, "Ливерпул" "Манчестер Сити" учрашуви бугун, 7 февраль куни Ливерпулдаги "Энфилд" ўйингоҳида бўлиб ўтади.
