Икки ойлик муддатга "Арсенал"га қайтган 34 ёшли ҳужумчи Терри Анри, мухлислар ундан аввалги ажойиб ўйинларини намойиш этишни кутмасликларини сўраяпти.

"Мен энди 25 ёшда эмасман. Энди мен тўпни майдон марказида қабул қилиб олиб, 5-6 рақибни алдаб ўта олмайман. Мендан буни кутманг. Деннис Бергкампни яхши эслайман. У ҳужумчи ортида ҳаракат қилишни яхши кўрарди. Агар сен ўйинни ўқий олсанг, футболни оёқ билан эмас, калла билан ҳам ўйнайверасан".

"Раян Гиггзнинг ўйинларига эътибор берсангиз, у аввалги Гигз эмас эканлигини тушунасиз. У аввалги, Ирвиндан тўпни қабул қилиб олиб, ҳаммани алдаб ўтиб, жарима майдонига пас берадиган Гиггз эмас. Лекин Раянда сақланиб қолган устунлик — ўйинни ўқий билиш. У ҳар доим пас қабул қилиш учун бўш зоналарни топа олади, тўпни йўқотиш эҳтимоли кам бўлган жойларда бўлишга ҳаракат қилади. Мен ҳам "Арсенал"да шунақа ўйнамоқчиман" —, дейди Анри.