Мексика хукумати миллий терма жамоанинг собиқ дарвозабони Омар Ортисни (Omar Ortiz) одам ўғирлаш жиноятига алоқадорликда гумон қилиб, ҳибсга олди. Нуэво-Леон штати полицияси вакили Хорхе Домене сўзига қараганда Ортис камида икки одамни ўғирлаш жараёнида иштирок этган.
Ортис ўз таниш-билишлари ёрдамида жиноятчиларга жабрдийдаларни танлашда ёрдам берган. Ўғирликни эса маҳаллий наркобаронларга алоқаси бор жиноят гуруҳлари амалга оширганлар. Улар ўғирланган одам учун 1 миллион песо (тахминан 73 минг доллар) миқдорида хақ талаб этганлар. Ортис эса ёрдами учун бу пулни 10 фоизини олган.
Қўлга олинган футболчи "Монтеррей" клуби аъзоси ҳисобланади. Мексика терма жамоаси сафида у бор йўғи бир ўйинда майдонга тушган. 2010 йил май ойида эса допинг истеъмол қилганликда айбланиб, 2 йилга футболдан четлатилган эди.
