Кеча Англия кубоги нимчорак финали доирасида «Ман Сити» «Суонси»ни ишончли ҳисобда таслим этди (3:1).

Клуб матбуот хизматининг маълум қилишича, ушбу ғалаба «шаҳарликлар» устози Пеп Гвардиола учун жамоа қўл остидаги юбилей 200-муваффақият сифатида қайд этилди.

У бунинг учун бор йўғи 268 та учрашув сарфлаган. Жами урилган голлар сони эса 659 тани ташкил этмоқда. Шунингдек, испаниялик мутахассис қўл остида манчестерликлар 22 ўйинлик мағлубиятсиз серияни ҳам қайд этишганидан хабарингиз бор.

Маълумот учун, Пеп «Ман Сити» бош постида 2016 йилдан бери ишлаб келади.