"Барселона" сардори Лионель Месси Испания кубогининг ярим финал босқичи доирасида "Севилья"га қарши ўйинда (0:2) баҳсли вазият қаҳрамонига айланди.
Иккинчи бўлим ўрталарида аргентиналик футболчи ва рақиб ўйинчиси Хоан Хордан ўртасида тўқнашув юз берди.
"Севилья" футболчиси Мессининг жарима зарбасини тезда амалга оширишига халал берди. Лионель эса рақибининг қўлидан тўпни олиб қўйишга ҳаракат қилиб, тирсаги билан унинг юзига уриб юборди.
Бунинг учун Месси ҳатто огоҳлантириш ҳам олмаган бўлса, андалусияликлар футболчиси огоҳлантириш олди.
