«ПСЖ» бош мураббийи Маурисио Почеттино Неймар тўғрисида бўлаётган гап-сўзларга ўз муносабатини билдирди.

Мураббий Неймарни жароҳатга моил футболчи деб ўйламайди. «Футболда фақат Неймар жароҳат олмайди. Масалан Ди Мария ҳам жуда кўп бундайин ҳолатларга дуч келади. Аммо у кўп гапирилмайди.

Бу фақат ўйинчиларга боғлиқ фактор эмас. Биз 40 кунда нақ 9 та ўйинда майдонга тушдик. Мен Неймарни биламан. У бу каби гапларни кўтара олмайди, жуда камтар футболчилар сирасидан», - дейди Почеттино.

Эслатиб ўтамиз, Неймар жароҳати сабаб яқин бир ой ичида майдонга туша олмайди.