«Лестер» ҳимоячиси Жеймс Жастин Англия кубоги нимчорак финал «Брайтон»га қарши баҳсда (1:0) жароҳат олгани маълум бўлмоқда.
Унинг учрашув давомида тизза тўқималари кутилмаганда ёрилиб кетган. Инглиз футболчиси бугун жарроҳлик амалиётини бошидан ўтказади. Бош мураббий Бренден Роджерс ушбу ҳолатни жиддий йўқотиш сифатида баҳолаяпти.
Эслатиб ўтамиз, 22 ёшли футболчи жорий мавсум барча мусобақаларда 31 та ўйинда майдонга тушиб рақиблари дарвозасини 3 марта ишғол қилган.