“Барселона“ ҳужумчиси Лионель Месси “Алавес“га қарши Ла Лиганинг 23-тури доирасидаги баҳсда майдонга тушди. Бу аргентиналикнинг “кўк-анорранглилар“ сафидаги 505-ўйини сифатида қайд этилди.

2004 йил октябрь ойида “Барселона“ таркибида дебют қилган Месси ушбу кўрсаткичдан сўнг, каталонияликларнинг Ла Лигадаги ўйинлар сони бўйича етакчиси Хави билан билан тенглашиб олди. “Барселона“нинг Ла Лигада,бир клуб сафида энг кўп ўйин ўтказган энг яхши футболчилар бешлиги қуйидагилар:

1. Лионел Месси - 505 (бугунги ўйинни ҳисобга олган ҳолда);

2. Хави - 505;

3. Андрес Иньеста - 442;

4. Серхио Бускетс - 399 (бугунги ўйинни ҳисобга олган ҳолда);

5. Карлес Пуйоль - 392.