Хабарингиз бор, «Бавария» ҳимоячиси Давид Алаба тез орада Мадриднинг «Реал» клуби билан келишувга эришиш арафасида эканлиги тўғрисида хабар берган эдик.
Журналист Фабрицио Романонинг ёзишича, «қироллик клуби» аллақачон австриялик футболчи билан дастлабки битим борасида келишиб олган. Бўлажак шартнома 2025 йилгача бўлган муддатда тузилади.
Эслатиб ўтамиз, ёзда «қизиллар» сафини эркин агент сифатида тарк этадиган Алаба жамоага 2009 йилда келиб қўшилган эди. У бу оралиқда жами 25 та соврин ютишга эришди.