"Барселона" бош мураббийи Хосеп Гвардиола "Эспаньол"га қарши учрашувдан сўнг ўз фикрлари билан ўртоқлашаркан, жамоа ўйинидан қониқиш ҳосил қилганини айтиб ўтди. Бу ҳақда Испаниянинг "AS" газетаси хабар бермоқда.
Испания чемпионати 17-туридан ўрин олган "Эспаньол" - "Барселона" учрашуви 1:1 ҳисобидаги дуранг билан якунига етди. Каталония дербисиинг 16-дақиқасида Фабрегас ҳисобни очган бўлса, ўйин якунланишига тўрт дақиқа қолганида Васкес "Эспаньол"ни мағлубиятдан қутқариб қолди.
"Биз қандайдир муҳим бир нарсани қўлдан чиқардик, деб ўйламайман. Рақибларимизни қувиб ўтиш учун олдинда ҳали ўйинлар кўп. Бугун биз жуда ҳам яхши рақибга қарши тўп сурдик. Биз фақат бир марта гол ура олдик ва бу ҳолат бизни хурсанд қилаётгани йўқ", деди Гвардиола.
"Ўйин сўнгида бизнинг фойдамизга пенальти белгиланиши керакмиди? Биз ҳакамлар нима қилаётганини ўрганишимиз эмас, ўз хатоларимизга эътибор қаратишимиз ва уларни тўғрилашга ҳаракат қилишимиз керак. Умуман олганда, ҳаммаси режа бўйича кетаётган эди. Сўнгги 15 дақиқани ҳисобга олмаганда. "Эспаньол" бизга кўп муаммо келтириб чиқарди. Ва, эҳтимол, улар ўз голларини ҳақли равишда уришди", деди "Барселона" устози.
"Айни вақтда, мен жамоа ўйинидан умуман қониқиш ҳосил қилмадим, деб айта олмайман. Биз ўйиннинг боришини назорат қилдик. Бироқ 1:0 ҳисобида ғалаба қозонаётган вақтинг ҳар доим бошқа вариантлар ҳам бўлади...", дея қўшимча қилди "Барселона" бош мураббийи Хосеп Гвардиола.
"Барселона" Испания чемпионатидаги 17 тур учрашувларидан сўнг 38 очко тўплагани ҳолда, мусобақа жадвалида 2-ўринда бормоқда. Жамоа пешқадам "Реал"дан беш очкога ортда қолмоқда, энг яқин таъқибчиси "Валенсия"дан эса тўрт очко олдинда. Гвардиола шогирдлари 18-турда "Бетис"ни қабул қилишади.
