Италия терма жамоаси собиқ ҳужумчиси Антонио Кассано «Ювентус»нинг Европа чемпионлар лигаси нимчорак финал босқичи доирасида «Порту»га қарши баҳсида (1:2) ҳаракат қилган Криштиану Роналдуни танқид қилди.

«Мен бир гапни ҳамиша такрорлаб келяпман. У қанчалик ноёб иқтидор эгаси ва миллиардлаб гол урган бўлмасин, Роналду қийинчилик билан Пирло ғояларига мослашмоқда. У ҳар бир ўйинда биттадан гол урмасин, Пирлонинг ғоялари унга қийинлик қилмоқда.

У ҳамиша бироз худбин бўлган, бошқалар гол урадими ёки йўқми, унга фарқи йўқ. Роналду – фақат гол учун яшайдиган футболчилар тоифасидан. У футбол учун, ажойиб учрашув учун яшамайди, у голлар учун яшайди. Ҳозирда вазият ёмонлашиб бормоқда.

Ҳамма қарийди, Роналду ҳам қийинчиликларга дуч келмоқда. «Ювентус» Роналду туфайли ўз ғояларини ўзгартиришга ва бошқача футбол ўйнашга ҳаракат қилмоқда», – деди Кассано.