БАА чемпионатининг 17-туридан ўрин олган икки ўйин 18 февраль, пайшанба куни бўлиб ўтди.

Достонбек Ҳамдамов тўп сурадиган «Ҳатта» клуби ўз уйида Жалолиддин Машариповнинг «Шабоб ал-Аҳли» жамоасини қабул қилди. Дастлаб учрашувнинг 58-дақиқасида Наҳир Басера мезбонларни ҳисобда олдинга олиб чиқди. Бироқ 86 ва 88-дақиқаларда «Шабоб Ал-Аҳли» икки тўп киритиб, ғалабани илиб кетди.

Ушбу учрашувни икки ўзбекистонлик футболчи ҳам асосий таркибда бошлади, Достонбек Ҳамдамов 62-дақиқада захирага олинди. Мазкур баҳсни ўз фойдасига ҳал қилган «Шабоб Ал-Аҳли» 17 турда 29 очко тўплаган ҳолда 5-ўринда бормоқда. «Ҳатта» эса атиги 5 очко билан сўнгги ўринда қайд этилган.

Отабек Шукуровнинг «Шаржа»си «Ад-Дафра» майдонига сафар қилди. Беллашувда кучлар тенг келди. Учрашувда ўзбекистонлик футболчи тўлиқ ҳаракат қилди. Шу тариқа «Шаржа» 17-турдан сўнг ўзининг 37 очкоси билан пешқадам бўлиб турибди.

БАА Про-Лигаси, 17-тур баҳслари
18 февраль, пайшанба

«Ҳатта»—«Шабоб ал-Аҳли» 1:2
Голлар: 1:0 — 58 Наҳир Бесара, 1:1 — 86 ал-Ғассони, 1:2 — 87 Муҳаммад Жума.
Четлатиш: Ҳабиб Юссуф — 85 («Ҳатта»).

«Ад-Дафра»—«Шаржа» 1:1
Голлар: 0:1 — 32 Веллитон, 1:1 — 43 пенальти Педро Конде