«Ливерпуль» бош мураббийи Юрген Клопп «Эвертон»га қарши мағлубиятли натижани изоҳлади.
«Бундай натижани қабул қилиш қийин. Ўйин бошидан умуман кераксиз гол ўтказиб юбордик. Ҳимояда ишончлироқ ўйнашимиз керак эди. Биз майдонда биринчи рақамли бўлдик яхши имкониятлар яратдик, аммо улардан самарали фойдалана олмадик.
Биринчи бўлимда битта хато қилдик ва улар ундан фойдаланишди. Бугун ортиқча нарсалар ҳақида гапиришни истамайман, чунки бу унчалик ҳам яхши бўлмасада биз мағлуб бўлдик. Камига, жароҳат сабаб Жордан Хендерсонни ҳам йўқотдик.
Бу ҳам ёқимсиз ҳолат бўлди. Ўз ўйинимизни яхшилашимиз керак, шунда биз барча учрашувларда ғалаба қозонишимиз мумкин. Биз курашишда давом этамиз», - дейди германиялик мутахассис.
