«Реал» бош мураббийи Зайниддин Зидан Испания чемпионатининг 24-тури доирасида бўлиб ўтган «Вальядолид»га қарши ўйин (1:0) борасида ўз фикрини билдириб ўтди.
Ўйин ҳақида
«Муҳим ғалаба. Кетма-кет тўртинчи ғалабани қўлга киритдик. Биз ўз ишимизни бажаришда давом этишимиз керак. «Реал» натижаларида барқарорлик юзага келди, ҳаммаси жойида. Бутун жамоа яхши ҳимояланди.
Энди эса дам оламиз ва «Аталанта»га қарши ўйинга яхшироқ тайёрланамиз. Натижадан қониқиш ҳосил қилдим».
Бензема ҳақида
«Унинг ҳолатини эртага кўздан кечирамиз. Таваккал қилмаймиз. Агар у «Аталанта»га қарши учрашувда майдонга тушишга тайёр бўлмаса, у ҳолда ўйнамайди».
Эслатиб ўтамиз, «Аталанта» - «Реал» учрашуви 24 февраль, чоршанба куни бўлиб ўтади.
