Ёдингизда бўлса ОФКда йил якунлари бўйича япониялик футболчилар, мутахассислар ва мутасаддилар совринларнинг ярмисини кунчиқар юртга олиб кетишган эди. Бу борада улар ФИФАнинг ҳам эътирофига сазовор бўлишмоқда.
Япониялик Ҳомари Сава 2011 йилнинг энг яхши футболчи аёли деб топилган бўлса, кеча Цюрихдаги маросим давомида Япония футбол ассоциациясига ҳалол ўйин учун ФИФАнинг Fair play соврини тақдим этилди. Ушбу мукофотни кунчиқар юрт вакилпарига франциялик машҳур футболчи Кристиан Карамбё топширди.
2011 йилда аёллар футбол жамоасининг энг яхши муррабийи деб, Япония аёллар миллий терма жамоаси бош муррабийи Норио Сасаки тан олинди.
Японларнинг ЖЧ-2011ни олишида Норио Сасакининг меҳнати катта бўлгани тақдимот маросимида алоҳида этироф этилди. Драматик тарзда кечган финал баҳсида япон қизлари америкалик дугоналарини футбол лотереяси — пенальтилар баҳсидагина доғда қолдира олишган ва ЖЧ бош совринини ўз ўйларига олиб кетишган эди.
