“Реал“ Чемпионлар Лигаси 1/8 финалининг “Аталанта“га қарши биринчи ўйини учун кенгайтирилган таркибини эълон қилди.
Унга кўра Серхио Рамос, Даниэль Карвахаль, Марсело, Эдер Милитао, Феде Вальверде ҳамда Эден Азарлар ҳали жароҳатдан фориғ бўлишмагани сабабли рўйхатга киритилишмаган.
Шунингдек, ҳужумчи Карим Бензема ҳам. Аввалроқ, французнинг машғулотларда жароҳат олгани туфайли, 19 февраль кунги “Вальядолид“га қарши ўйинни ўтказиб юборганлиги ва у Италия сафарига йўл олмаслиги мумкинлиги маълум бўлган эди.
“Реал“нинг қайдонамси: Куртуа, Лунин, Альтубе, Варан, Начо, Менди, Чуст, Мигель, Кроос, Модрич, Каземиро, Иско, Аррибас, Бланко, Асенсио, Лукас Васкес, Винисиус, Мариано Диас, Уго Дуро.
Маълумот учун, “Аталанта“ ва “Реал Мвдрид“ учрашуви 24-февраль куни Бергамодаги "Атлети Адзурри д'Италия" ўйингоҳида бўлиб ўтади.
